Fréttir

Við vekjum athygli félagsmanna á því að boðið er upp á vetrarleigu í orlofshúsum félagsins út maí 2016 og enn eru laus tímabil sem menn geta vonandi nýtt sér. Ennfremur viljum við vekja athygli á því að forúthlutun orlofshúsa í sumarleigu er nú lokið og opnað hefur verið fyrir umsóknir um laus tímabil í sumarleigu þar sem reglan ,,fyrstur kemur, fyrstur fær" gildir. Talsvert er af lausum vikum í sumar og viljum við hvetja félagsmenn til þess að kíkja á orlofsvefinn okkar og sækja um dvöl ef slíkt hentar og freistar. 

Við minnum á að umsóknarfrestur um dvöl í orlofshúsum félagsins í sumar rennur út þann 17. apríl n.k. 

Félagsmönnum er bent á að nú hefur verið opnað fyrir umsóknir um vikuleigu orlofshúsa félagsins sumarið 2016. 

Til þess að sækja um vikudvöl í orlofshúsi félagsins skrá félagsmenn sig inn á orlofsvef Félags Flugmálastarfsmanna ríkisins og velja flipann umsókn sumar.  

Félagsmenn FFR geta sent inn allt að 5 umsóknir hver og er boðið upp á að leigja hús í Munaðarnesi, Vestmannaeyjum og íbúð á Akureyri.

Við vekjum athygli á því að leigutíma hefur nú verið breytt í mánudag til mánudags (í stað föstudags til föstudags) að ósk félagsmanna. Leiguverð er óbreytt 23.000 kr. fyrir vikuleigu, auk 24 punkta af punktainneign félagsmanns. 

Umsóknarfrestur er til og með 17. apríl og fer úthlutun fram þann 18. apríl. 

Við minnum á að aðalfundur félagsins verður haldinn á morgun, fimmtudaginn 17. mars kl. 18:00, í samkomusal BSRB (á jarðhæð) að Grettisgötu 89 í Reykjavík.
 
Dagskrá fundar
 
1. Skýrsla stjórnar
2. Ársreikningar FFR 2015 lagðir fram til úrskurðar
3. Tillögur að breytingum á lögum FFR
4. Tveir félagslegir skoðunarmenn reikninga kjörnir og einn til vara
5. Félagsgjöld fyrir næsta starfsár ákveðin
6. Önnur mál
 
 
Boðið verður upp á léttar veitingar og eru félagsmenn hvattir til að fjölmenna!
  
Kæru félagsmenn, nú er ekki nema rétt rúm vika í aðalfund Félags flugmálastarfsmanna ríkisins og því ekki úr vegi að minna félagsmenn á að færa hann inn á dagatalið.
 
Fundurinn verður haldinn fimmtudaginn 17. mars kl. 18:00, í samkomusal BSRB á jarðhæð að Grettisgötu 89 í Reykjavík.
 
Dagskrá fundar
 
1. Skýrsla stjórnar
2. Ársreikningar FFR 2015 lagðir fram til úrskurðar
3. Tillögur að breytingum á lögum FFR
4. Tveir félagslegir skoðunarmenn reikninga kjörnir og einn til vara
5. Félagsgjöld fyrir næsta starfsár ákveðin
6. Önnur mál
 
 
Boðið verður upp á léttar veitingar og eru félagsmenn hvattir til að fjölmenna!

BSRB, ASÍ, BHM, KÍ, Jafnréttisráð og Jafnréttisstofa bjóða til hádegisverðarfundar þriðjudaginn 8. mars klukkan 11:45 á Grand hótel Reykjavík í tilefni af alþjóðlegum baráttudegi kvenna. 

Yfirskrift fundarins er „Örugg í vinnunni? – Kynbundin og kynferðisleg áreitni á vinnustöðum“.

Félagsmenn FFR eru eindregið hvattir til þess að taka þátt.

 

Alþjóðlegur baráttudagur kvenna 2016