„Dapurlegt er að fylgjast með umræðu fulltrúa meirihluta fjárlaganefndar í kjölfar birtingar árshlutauppgjörs Fjársýslu ríkisins um fjárreiður ríkissjóðs. Áður en skýringa á meintum framúrkeyrslum tiltekinna stofnana er leitað hjá viðkomandi ráðuneytum er talið farið að berast að mögulegum breytingum á starfsmannalögum svo auðveldara verði að víkja fólki úr starfi til að refsa þeim. Einn þingmaður meirihlutans á þingi gekk svo langt að leggja til að forstöðumenn stofnana finni sér nýtt starf,“ segir Elín Björg Jónsdóttir, formaður BSRB sem segir að umræðan hefði mátt vera yfirvegaðri enda hafi ekki verið nærri eins mikil ástæða til upphlaups þegar málið var skoðað betur.
„Þegar fjárlaganefnd hafði svo fyrir því að spyrjast frekar fyrir um meintar framúrkeyrslur fjárheimilda hafa í flestum tilfellum fengist eðlilegar skýringar á því hvers vegna tölurnar birtast með þeim hætti sem þær gera í þessu árshlutauppgjöri. Formaður fjárlaganefndar hefur í kjölfarið sagt að staðan sé því víða ekki eins slæm og árshlutauppgjörið segi til um. Það hefur samt ekki dregið úr þeim ofsa sem einkennt hefur umræður formannsins um störf opinberra starfsmanna og vilja hennar til að minnka starfsöryggi þeirra. Í málflutningi sínum hefur formaður fjárlaganefndar ítrekað gerst sek um alls kyns rangfærslur sem eiga ekki við nein rök að styðjast. Svo sem varðandi áminningarferli ríkisstarfsmanna auk þess að halda því fram að ríkisstarfsmenn séu æviráðnir og því sé ómögulegt að reka þá úr starfi. Aðgerðir ríkisstjórnarinnar fram til þessa hafa heldur betur sýnt fram á annað og því veit formaður fjárlaganefndar, sem auk þess er löglærð, betur. Nema að hún sé vísvitandi að halda öðru fram en því sem hún veit til að afla stuðnings við tillögur sínar um að skerða réttindi opinberra starfsmanna, sem að mínum dómi væri talsvert alvarlegra en hreint þekkingarleysi,“ segir Elín Björg.
„Margar stofnanir hafa þurft að skera mikið niður á yfirstandandi fjárlaga ári og m.a. þurft að segja upp starfsfólki. Verkefnum þessarar stofnana hefur á sama tíma ekki fækkað og raunar hafa þau víða aukist. Starfsfólk hins opinbera – sem sinnir velferðarmálum, veitir heilbrigðis- og umönnunarþjónustu, sinnir öryggismálum o.s.frv. – hefur unnið mikið og óeigingjarnt starf á síðustu árum á sama tíma og stöðugt hefur verið vegið að starfsheiðri þeirra. Þetta sama fólk hefur þrátt fyrir illt umtal, stöðugan niðurskurð og uppsagnir samstarfsmanna náð að sinna sínum verkefnum og gert það vel. Þetta starfsfólk á betur skilið en þessar köldu kveðjur.“
FFR hefur gert samkomulag við þjónustumiðstöðina í Munaðarnesi um að gestir sumarhússins sæki þangað viskastykki og hreingerningartuskur.
Sækja þarf tuskurnar við komu og skila þeim við brottför. Einnig er hægt að leigja af þeim sængurver og handklæði gegn aukagjaldi.
Nýting á húsinu í Munaðarnesi hefur verið góð í sumar.
Vika í íbúð félagsins á Akureyri var að losna. Um er að ræða 25.júlí til 1. ágúst. Fyrstur kemur fyrstur fær.
Eins eru lausar vikur í Vestmannaeyjum.
Endilega að kynna sér málið á orlofssíðu FFR.
Hörður Hersir Harðarson, aðstoðarvarðstjóri í eftirlitsdeild flugverndardeildar Keflavíkurflugvallar tók sæti í stjórn FFR á aðalfundi félagsins sem haldin var 28,apríl s.l. Tók hann sæti Ragnheiðar Júlíusdóttur sem hverfur nú úr stjórn. Að öðru leiti er stjórn félagisns óbreytt.
Aðalfundur FFR fer fram í dag í húsnæði BSRB að Grettisgötu 89 í Reykjavík.
Fundurinn hefst kl. 17:00.
Boðið verður upp á kaffiveitingar.
Héraðsdómur Reykjavíkur hefur sýknað Isavia ohf af kröfu fyrrverand félagsmanns FFR sem stefndi fyrirtækinu fyrir meinta ólöglega uppsögn byggða á starfslokastefnu fyrirtækisins um að starfsmenn verði að hætta störfum 67 ára að aldri.
Í kröfugerð stefnanda kemur fram að hann hafi verið starfsmaður Varnarliðsins og hafi ráðningarsamningur hans verið yfirtekin af Flugmálastjórn Keflavíkurflugvallar haustið 2006. Við það hafi hann oðrið ríkisstarfsmaður. Við stofnun KEF ohf 2008 og síðar Isaiva ohf 2010 var starfsmönnum heitið að réttindi þeirra héldust óbreytt og jafnframt skyldur launagreiðanda.
Á það fellst Hérðasdómur Reykjavíkur ekki og sýknar Isavia ohf af kröfu fyrrverandi félagsmanns FFR.
Eftir er að taka ákvörðun um áfrýjun málsins. Mun stjórn FFR taka afstöðu til þess á næsta fundi stjórnarinnar.
